यस्ताे छ प्रतिनिधिसभाको आजको बैठक कार्यसूची

२२ माघ, काठमाडौं । प्रतिनिधिसभाको बैठक आज दिउँसो १ बजे बस्दैछ । संघीय संसद् सचिवालयले आजको बैठकका लागि सम्भावित कार्यसूची सार्वजनिक गरिएको छ ।

कार्यसूचीअनुसार आजको बैठकमा कानुन, न्याय तथा संसदीय मामिलामन्त्री ध्रुवबहादुर प्रधानले नेपाल सरकार मन्त्रिपरिषद्को निर्णयबाट जारी बेपत्ता पारिएका व्यक्तिको छानबिन, सत्यनिरुपण तथा मेलमिलाप आयोग ऐन, २०७१ को दफा ४२ बमोजिमका बाधा अड्काउ फुकाउ आदेश पेस गरिनेछ ।

बैठकमा क्रममा विशेष समयमा सांसदहरुलाई समसामयिक विषयमा धारणा राख्ने समय मिलाइएको पनि सचिवालयले जनाएको छ ।