गृह नपाउने भएपछि रबिकाे छटपटी, पार्टीकाे बैठकअघि भेटे प्रधानमन्त्रीलाई

२२ माघ, काठमाडौं । राष्ट्रिय स्वतन्त्र पार्टीका सभापति रवि लामिछानेले पार्टीको केन्द्रीय समिति र संसदीय दलको बैठकअघि प्रधानमन्त्री पुष्पकमल दाहाल ‘प्रचण्ड’सँग भेटे गरेका छन् ।

उनीहरुबीच केहीबेर अघि प्रधानमन्त्री निवास बालुवाटारमा भेटवार्ता भएको हो । यसअघि एमाले अध्यक्ष केपी शर्मा ओलीसँग भेट गरेका थिए । ओसँगै उनले गृह मन्त्रालय आफूलाई दिनेबारे निर्णय लिन उच्च स्तरीय राजीतिक संयन्त्रको बैठक तत्काल बोलाउन माग गरे ।

चितवन–२ बाट संघीय सांसद निर्वाचित लामिछाने नागरिकता विवादमा सर्वोच्च अदालतबाट दोषी ठहर भएपछि सांसद र गृहमन्त्री पदबाट च्यूत भएका छन् । सर्वोच्चकै आदेशबमोजिम पुनः नागरिकता लिएपछि गैरसांसद गृहमन्त्री बन्ने प्रयासमा उनको छटपटी र दौडधुप बढेको छ ।

तर प्रधानमन्त्री प्रचण्ड उनलाई गृहमन्त्री तयार देखिएका छैनन् । भेटमा प्रधानमन्त्री प्रचण्डले लामिछानेलाई अहिल्यै गृहमन्त्रीबारे टुंगोमा पुग्न नसकिने बताउँदै केही समय धैर्य गर्न सुझाएका थिए ।

गृह नपाएर आफ्नो पार्टी सरकारलाई दिएको समर्थन फिर्ता लिएर बाहिरिने चेतावनी लामिछानले दिँदै आएका छन् । गृहबारे निर्णय लिन रास्वपाले सरकार दिएको दुई दिनको अल्टिमेटम शनिबार नै सकिएको छ ।

अल्टिमेटम सकिएपनि प्रधानमन्त्रीले ठोस निर्णय नदिएपछि सरकारमा बस्ने वा नबस्ने भन्नेबारे निर्णय लिन लामिछानेले केहीबेरमै रास्वपाको केन्द्रीय बैठक राख्दैछन् । रास्वपाका अधिकांश नेता र मन्त्रीहरु भने गृह मन्त्रालयलाई नै कारण बनाएर पार्टी तत्काल सरकारबाट बाहिर निस्कँदा जनतामा गलत सन्देश जाने भन्दै सरकार छाडन नहुने कित्ताामा देखिएका छन् ।