मुख्यमन्त्रीले विश्वासकाे मत पाएपछि बागमती प्रदेशसभाकाे पहिलाे बैठक बस्दै

२२ माघ, हेटाैंडा । बागमती प्रदेशसभाको बैठक आइतबार २ बजे बस्ने तय भएको छ । प्रदेश सभा सचिवालयका प्रमुख सचिव कृष्णहरि खड्काका अनुसार याे बैठक दोस्रो कार्यकालको तेस्रो बैठक हाे ।

गत माघ ३ मा मुख्यमन्त्री शालिकराम जम्मकट्टेलले विश्वासको मत प्राप्त गरेपछि अनिश्चितकालका लागि स्थगित भएको बैठक आज बस्न लागेको सचिवालयका प्रमुख सचिव खड्काले बताए ।

प्रदेशसभामा नेपाली कांग्रेसका ३७, एमालेका २७, माओवादी केन्द्रका २१, राप्रपाका १३, एकीकृत समाजवादीका ७, नेमकिपाका ३ र हाम्रो नेपाली पार्टीका दुई सांसद गरी एक सय १० जना सांसद छन् ।

प्रदेशसभामा जमकट्टेल चाैथाे मुख्यमन्त्री हुन्र । पहिलाे कार्यकालमा राजनीतिक उतारचढावका कारण एमालेबाट डाेरप्रसाद अर्याल र अष्टलक्ष्मी शाक्य र एकीकृत समाजवादीबाट राजेन्द्र पाण्डे मुख्यमन्त्री बनेका थिए ।

अहिले जमकट्टेलकाे कार्यकाल पनि सुरूमै विवाद र असमझ्दारी देखा परेकाे छ ।