संसदमा उठ्यो मलको विषय, रुलिङ गर्न सांसदले गराए सभामुखको ध्यानाकर्षण

२२ माघ, काठमाडौं । संसदमा मलको कुरा फेरि उठेको छ । यसअघि पटकपटक रासयनिक अभाव टार्न सरकारसँग माग हुँदै आइरहेका बेला पुनः यो विषय  उठेकाे हाे ।

आइतबार संसद बैठकको शून्य समयमा बोल्नै नेपाली कांग्रेसका सांसद देवप्रसाद तिमल्सिनाले किसानलाई समयमा मल दिन नसक्ने सरकार जनप्रेमी हुन नसक्ने बताए । उनले किसानलाई मल समयमै नदिएर सरकार के हेरेर बसिरहेको छ भन्दै प्रश्न गरे ।

संसदमा पहिला उठेका विषयबारे सरकारले दिएको आश्वासन कार्यान्वयन नभएको स्मरण गराउँदै सांसद तिमल्सिनाले प्श्न गरे, ‘किसानलाई मलखाद किनेर दिन नसक्ने सरकारले के गर्न सक्छ भन्ने प्रश्न छ ?’ उनले मल आपूर्ति विषयमा सरकारलाई रुलिङ गर्न सभामुखको ध्यानाकर्षण गराए ।

देशभित्र ७ लाख मेट्रिक टन मल आवश्यक परेकोमा सरकारले ३ लाख मेट्रिक टन मात्रै किनेर अभाव सरकारले नै अभाव सिर्जना गरेको उनको भनाइ थियो ।