उर्मिला अर्यालले दिइन् राष्ट्रियसभा उपाध्यक्षमा उम्मेदवारी

२२ माघ, काठमाडौं । नेकपा (माओवादी केन्द्र)की उर्मिला अर्यालको राष्ट्रिय सभाको उपाध्यक्ष पदमा उम्मेदवारी दर्ता भएको छ । उनले सत्तारुढ गठबन्धनका साझा उम्मेदवारमा रुपमा केहीबेर अघमात्र संघीय संसद सचिवालयमा पुगेर उम्मेदवारी दर्ता गराएकी छन् ।

अर्यालको प्रस्तावकमा नारायणकाजी श्रेष्ठ र देवेन्द्र दाहाल र खिमलाल देवकोटा समर्थक बसेका छन् ।

सत्ता साझेदार दलहरुको गठबधनबाहिर रहेको ठूलो दल नेपाली कांग्रेसले भने उम्मेद्वारी नदिने निर्णय गरेको छ । यसबाट अर्याल निर्विरोध निर्वाचित हुने सम्भावना बढेको छ ।