संसद बैठकमा ओलीले बोल्दै गर्दा कांग्रेस सांसदको नियमापत्ति

२२ माघ, काठमाडौं । आइतबार नयाँ बानेश्वरस्थित संसद भवनमा जारी प्रतिनिधिसभा (संसद) बैठकमा नेकपा (एमाले)का अध्यक्ष केपी शर्मा ओलीले बोलिरहँदा काांग्रेस सांसद रामहरि खतिवडाले नियमापत्ति जनाएका छन् ।

ओलीले रोष्ट्रमबाट सदनलाई सम्बोधन गर्दै सरकारले गरिरहेको काम र अब गरिने कामबारे सत्ता साझेदर दलहरुले ल्याएको न्यूनतम साझा कार्यमबारे चर्चा गर्न नछाडेपछि सांसद खतिवडाले उठेर नियमापत्ति जनाए छ । उनलेप्रतिनिधिसभा नियमावली २०७५ को धारा २६ बमोजिम नियमापत्ति रहेकाे बताए ।

उनले सदनमा दलहरुको कार्यक्रमबारे चर्चा गर्नु सदन संचालनसम्बन्धी नियमको विपरीत रहेको उनको दाबी थियो । सभामुखज्यू, बार्दलीको कार्यक्रम संसदमा नसुनाइयोस्’ सांसद खतिवडाले भने ।

त्सपछि सम्बोधनलाई निरन्तरता दिँदै ओलीले कांग्रेस कुनैबेला प्रतिपक्षमा रहेका बेला सदनमा प्रधानमन्त्रीभन्दा पहिला बोल्न पाउनुपर्छ भनेको घटना नियमापत्ति जनाएबाट याद आएको टिप्पणी गरे ।

अहिले पनि ओलीले आफ्नो सम्बोधान जारी राखेका छन् । उनले सम्बोधनमा विगतमा एमाले सरकारले गरेको काम र गर्ने क्रममा छाडेका विवरण प्रस्तुत गरिरहेका छन् ।