रास्वपाका मन्त्रीहरू प्रधानमन्त्रीलाई राजीनामा बुझाउँदै

२२ माघ, काठमाडौं । राष्ट्रिय स्वतन्त्र पार्टी (रास्वपा)ले सरकार छाड्ने निर्णय गरेसँगै पार्टीका तर्फबाट बनेका मन्त्रीहरूले पदबाट आजै राजीनामा दिने भएका छन् ।

आइतबार बसुन्धरास्थित पार्टी कार्यालयमा बसेको केन्द्रीय समिति र संसदीय दलको संयुक्त बैठकले सरकारलाई दिएको समर्थन जारी राखी मन्‍त्रीहरूलाई फिर्ता बोलाउने निर्णय गरेको हो । उक्त निर्णयपछि मन्त्रीहरूले आजै प्रधानमन्त्री प्रचण्डलाई पदबाट राजीनामा दिने तयारीमा लागेका छन् ।

रास्वपाबाट शिशिर खनाल शिक्षा मन्त्री, डोलप्रसाद अर्याल श्रम मन्त्री र डाक्टर तोसिमा कार्की स्वास्थ्य राज्यमन्त्री छन् ।