सिन्डेकेटमा चलेका मिडिया हाउस नै देशका दुश्मन हुन् : रबि लामिछाने

२२ माघ, काठमाडौं । राष्ट्रिय स्वतन्त्र पार्टी (रास्वपा)का रबि लामिछानेले देशको ‘दुश्मन’ देशभित्रका सिन्डिकेटमा चल्ने मिडिया हाउस (संचार गृह)हरु भएको बताएका छन् ।

सरकारबाट पार्टी बाहिर आएको विषयमा जानकारी दिन पार्टी मुख्यालयमा आयोजित पत्रकार सम्मेलनमा उनले यस्तो बताएका हुन् ।

अमेरिकी नागरिकता त्याग गरेर नेपालमै फर्किएर नेपाली नागरिक बन्न आएपछि प्रयोग भएको नागरिकताबारे सर्वोच्च अदालतले गएको शुक्रबार दोषी ठहर गर्दै सांसद, उपप्रधानमन्त्री तथा गृहमन्त्री पद गुमाएका उनले नेपाल संचारमाध्यमका ठूला भनिएका संचार गृहहरुको मिडिया हाउसहरुको सिन्डिकेटका कारण देशभित्र अपराध कर्म गर्ने र भ्रष्टाचारीहरुको बारेमा अनुसन्धान गर्न नसकिएको बताए ।

उनले आफू गृहमन्त्री बनेपछि अपराध गरेर शक्तिका आडमा जोगिएर बसिरहेका र राज्यको ढुकुटीमा रजाइँ गरेर भ्रष्टाचार गर्नेहरुको खाता खोल्न थालेपछि गृहमन्त्राय रास्वपालाई दिन नमानेको उनले बताए ।

आफू पत्रकारिताबाट राजनीतिमा आइसकेको र पुनः पत्रकारितामा नफर्किने स्पष्ट पारे । अहिले समाज र देशकाे बेथिति बढाउने सिन्डिकेटधारी मिडिया हाउसहरूले गरिरहेकाे उनकाे भनाइ थियाे ।