पूर्वगृहमन्त्रीकाे रूपमा कुनैपनि सुविधा नलिने रबि लामिछानेकाे घाेषणा

२३ माघ, काठमाडौं । राष्ट्रिय स्वतन्त्र पार्टी (रास्वपा)का सभापति रबि लामिछानेले आइतबार लामो समय लिएर गरेको पत्रकार सम्मेलनमा जनताले रास्वपालाई सरकारमा जाने म्यान्डेड नदिएको बताएका छन् ।

जनताले आफूहरुलाई सरकार जानेसम्मनको म्यान्डेड नदिएको तर गृह मन्त्रालयल नै पाएपछि नागरिकलाई सेवा प्रवाहमा धेरै सुधार गर्न सकिने देखेर सरकारमा गएको बताए । पत्रकार सम्मेनमा उनले रास्वपा सरकारबाट बाहिर आएको तर सरकारलाई दिएको फिर्ता नलिएको बताए ।

समर्थन फिर्ता लिँदा सरकार नै ढल्ने संभावना रहने र त्यसो गर्दा भर्खर गठन भएको सरकारले कामै गर्न नपाई ढल्नेतिर जाने देखिएकोले कानून झन्झटमा नलाग्न समर्थन कायमै राखिएको बताए । अब सरकारमा जानु परे विचार पुर्याउने बताए । शासन व्यवस्था सुधार्न र तीव्र गतिमा जनतालाइ सेवा दिन राजनीतिमा निरन्तर लाग्ने उनकाे भनाइ थियाे ।

उनले आफूले पूर्वगृहमन्त्रीले पाउने कुनैपनि सुविधा निलने घाेषणा पनि पत्रकार सम्मेलनमा गरे ।

पत्रकार सम्मेलनपछि रास्वपाकै केन्द्रीय सदस्य गणेश कार्कीले पार्टी सरकारमा जानु गलत भएको बताए । उनले पार्टीले सरकारलाई कायम राखेको समर्थन पनि फिर्ता लिनुपर्ने उनको भनाइ छ ।

सरकार छाडेसँगै रास्वपबाट मन्त्री बनेका मन्त्रीहरुले प्रधानमन्त्री प्रचण्डलाई आजै राजीनामा बुझाउँदैछन् । नागरिक मुद्दामा सर्वोच्च अदालतले दिएको आदेशबाट लामिछानेको गृहमन्त्री पद गएपनि रास्वपाबाट श्रम तथा रोजगार, शिक्षा मन्त्री र स्वास्थ्य राज्यमन्त्री कायमै थियो ।