सरकारबाट फिर्ता भएका रास्वपाका ३ पूर्वमन्त्री पत्रकार सम्मेलन गर्दै

२३ माघ, काठमाडौं । पदबाट आइतबार राजीनामा बुझाएका राष्ट्रिय स्वतन्त्र पार्टीका ३ पूवर्मन्त्रीले आज पत्रकार सम्मेलन गर्दैछन् । आज दिउँसो ३ बजे पार्टी केन्द्रीय कार्यालयमा पत्रकार सम्मेलन गर्ने भएका हुन् ।

पत्रकार सम्मेलनमा आफूले मन्त्रालय सम्हालेका बेला गरेका काम र हासिल भएका उपलब्धिहरूका बारे जानकारी गराइने बताइएको छ । रास्वपा आइतबार नै सरकारबाट बाहिरिइसकेको छ ।

रास्वपाबाट प्रचण्ड नेतृत्वको सरकारमा डोलप्रसाद अर्याल श्रम, रोजगार तथा सामाजिक सुरक्षा, शिशिर खनाल शिक्षा, विज्ञान तथा प्रविधि र स्वास्थ्य तथा जनसंख्या राज्यमन्त्री तोसिमा कार्कीले प्रधानमन्त्री पुष्पकमल दाहाल ‘प्रचण्ड’समक्ष आइतबार साँझ राजीनामा बुझाएका थिए ।

सरकार छाडेपनि सरकारलाई दिएको समर्थन भने कायमै रहने उसले जनाएको छ । मन्त्रीहरु राजीनामाभन्दा पहिल्यै पार्टी सभापति रबि लामिछाने नागरिक मुद्दामा सर्वोच्चबाट दोषी ठहर भएपछि उनको सांसद, उप्रप्रधान तथा गृह मन्त्री पद गुमेको थियो ।