राष्ट्रपति चुनावमा माओवादी केन्द्रप्रति सशंकित एमालेले बोलायो केन्द्रीय समितिको बैठक

२३ माघ, काठमाडौं । नेकपा (एमाले)ले केन्द्रीय कमिटी बैठक बोलाएको छ । यही २९ माघदेखि १ फागुनसम्म दुई दिन बस्ने गरी केन्द्रीय समितिको बैठक बोलाएको हो ।

एमालेले केन्द्रीय समितिको बैठक अघि २६ माघमा सचिवालय बैठक बोलाएको छ । सत्ता साझेदार दलमध्ये सबैभन्दा ठूलो दल एमालेले आगामी फागुन २५ मा हुने राष्ट्रपति चुनावलाई लिएर केन्द्रीय समितिको बैठक बोलाएको बताइएको छ ।

एमालेकाे गुण र मुख्य समर्थनमा माओवादी केन्द्रका अध्यक्ष प्रधानमन्त्रीमा नियुक्त संभव भएको बुझाइ एमालेको छ । एमालेले त्यसका गुण सट्टा खाेजिरहेकाे छ । तर प्रधानमन्त्री प्रचण्ड भने राष्ट्रपति आफ्नाे मान्छे नहुँदा खेप्नु परिरहेकाे हैरानीबाट ब्यूँझिएकाे अवस्था छ ।

तर प्रधानमन्त्री प्रचण्डले राष्ट्रपतिमा एमालेका उम्मेदवारलाई सघाउने बताउनुपर्ने बेला राष्ट्रपतिमा राष्ट्रिय सहमति आवश्यक रहेको बताउन नछाडेपछि राष्ट्रपति चुनाव पार्टी अनुकूल नभए के गर्ने भन्ने विषयमा केन्द्रीय समितिबाट छलफल गरेर टुंगोमा पुग्नुपर्ने भएपछि उसले केन्द्रीय समितिको बैठक बोलाएको बुझिएको छ ।