काठमाडौं उपत्यकाका कुखुरा फर्ममा बर्डफ्लू भेटियो

२३ माघ, काठमाडौं । काठमाडौं उपत्यकाका कुखुरा फर्ममा बर्डफ्लू संक्रमण फेला परेको छ ।

ललितपुरको खुमलटार, काठमाडौंको नार्गाजुन नगरपालिका रामकोट र तारकेश्वर नगरपालिकामा व्यवसायिक रूपमा पालिएको कुखुरामा बर्डफ्लू संकमण पुष्टि भएको कृषि तथा पशुपन्छी विकास मन्त्रालय स्रोतले जनाएको छ ।

गत शुक्रबार खुमलटारस्थित कृषिअनुसन्धान परिषद् नार्कको अनुसन्धान फर्ममा पहिलो संक्रमण पुष्टि भएको थियो । नार्गाजुन नगरपालिका वडा नं. ६ रामकोटको फर्ममा पनि बर्डफ्लू संकमण पुष्टि भएको छ ।

यस्तै तारकेश्वरमा संचालित फर्ममा बर्डफ्लू पुष्टि भएको जनाइएको छ । तीन वटै फर्मका कुखुरा नष्ट गरिएको छ । बर्डफ्लू संक्रमण राेक्न भरपर्दाे उपाय अप्नाउन माग तथा कुखुरा नष्ट गरिएका किसानलाइ सरकारले ताेकेकाे क्षतिपूर्ति समेत नदिएकाे भन्दै संसदमा कुरा उठिरहेका बेला संक्रमण क्रम बढेकाे छ ।