देउवाविरुद्धको मुद्दा न्यायाधीश माथेमाको इजलासमा सुनुवाइ हुँदै

२५ माघ, काठमाडौं । संसदमा प्रमुख प्रतिपक्ष दलको नेताको सुविधा नेपाली कांग्रेसका सभापति शेरबहादुर देउवालाई दिने निर्णय बदरको माग गरिएको रिट निवेदनमा न्यायाधीश शुष्मालता माथेमाको इजलासमा सुनुवाइ हुँदैछ ।

अधिवक्ता विमलप्रसाद पोखरेलले मंगलबार दायर गरेको रिट निवेदनमा पाँचौ नम्बरमा पेसी तोकिएको हो । यसअघि उक्त रिट सर्वोच्च प्रशासनले दरपिठ गरेपनि दरपिठ बदरको माग गर्दै इजलासमा दायर निवेदनमा रिट दर्ताको आदेश दिएको थियो । आदेशपछि मंगलबार मात्र रिट दायर भएको हो । दर्तासगै आजको लागि पेश तोकिएको थियो । पेसी दैनिक सूचीको पाचौं नम्बरमा परेको छ ।

रिट निवेदक पोखरेलले संघीय संसद सचिवालयले प्रधानमन्त्री पुष्पकमल दाहाल प्रचण्डलाई विश्वासको मत दिएको नेपाली कांग्रेसले प्रमुख प्रतिपक्षको सुविधा दिएकाले उक्त निर्णय खारेज हुनुपर्ने जिकिर गरेका छन् ।

संघीय संसद सचिवालयमा भने कांग्रेसले प्रधानमन्त्रीलाई विश्वसाको मत दिएर सत्ता पक्ष भइसकेको हुनाले पूमुख प्रतिपक्ष आफूलाई बनाउनुपर्ने मागसहित नेमकिपाले यसअघि नै पत्र दिइसकेको छ ।