मिटरब्याजी र बैंकको चर्को ब्याजदरविरुद्ध देशव्यापी प्रदर्शन गर्ने नेकपाकाे घाेषणा

२५ माघ, काठमाडौं । नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टी (नेकपा)ले फागुन ५ र १५ गते देशव्यापी विरोध प्रदर्शन गर्ने भएको छ ।

बुधबार राजधानीमा आयोजना गरेको पत्रकार सम्मेलनमार्फत पार्टी प्रवक्ता खड्गबहादुर विश्वकर्माले महंगी र चर्को व्याजदरविरुद्ध देशव्यापी विरोध प्रदर्शन गर्न लागेको बताए ।

‘मिटरब्याज, बैंक तथा लघुवित्तको चर्को ब्याजदरविरुद्ध ५ गते र चर्को महंगीविरुद्ध १५ गते देशव्यापी विरोध प्रदर्शन गर्दछौं,’ उनले भने ।

नेतृत्वको नेकपाले हालै सम्पन्न केन्द्रीय समितिको नवौं बैठकको निर्णय पनि सावर्जनिक गरेको छ ।

पछिल्लो चरणमा पहाडमा लघुवित्तमार्फत ऋण प्रवाह गरेर चर्को ब्याज असुल्ने र तराईमा चर्को ब्याजमा मिटरब्याजीको रजाइँले ऋण र किसान मारमा पर्दै आइरहेका छन् ।

पत्रकार सम्मेलनमा चर्को चर्को ब्याज असूल्ने र मिटरब्याजीलाई अपराध करार गरेर कारबाहीको दायरामा ल्याउन सरकारसँग माग गरिएको थियो ।