राष्ट्रियसभा सदस्यमा एमालेका दसौदी निर्वाचित

२५ माघ, दाङ । लुुम्बिनीको राष्ट्रियसभा उपनिर्वाचनमा नेकपा (एमाले)का कुमार दसौदी विजयी भएका छन् । बुधबार दाङमा भएको मतदानको अन्तिम परिणामअनुसार दसौदी ४ हजार २६ मतभार प्राप्त गरी विजयी भएका हुन् ।

निकटतम प्रतिद्वन्द्वी नेपाली कांग्रेसका उम्मेदवार माधव आचार्यले ३७ सय २० मतभार मात्र प्राप्त गरे । सदस्यमा नागरिक उन्मुक्ति पार्टीबाट राजेन्द्रवीर रायले पनि उम्मेदवारी दिएका थिए ।