राष्ट्रपति भण्डारीले रात्रिभोजको आयोजना गर्ने

२६ माघ, काठमाडौं । कार्यकाल पूरा हुने क्रममा रहेकी राष्ट्रपति विद्यादेवी भण्डारीले रात्रिभोज आयोजना गर्ने भएकी छन् । राष्ट्रपति भण्डारीले यही माघ २८ गते ३ बजे राष्ट्रपति कार्यालय शितल निवासमा संघीय संसदका सांसद्‍हरुलाई रात्रिभोजको आयोजना गर्ने भएकी हुन् ।

रात्रिभोजका सरिक हुन मोबाइल म्यासेजमार्फत निम्तो आएको जनता समाजवादी पार्टाी नेपालका सांसद राजकिशोर यादवले बताए ।

राष्ट्रपतिले आयोजना गर्ने उत्त रात्रिभोजमा जमा उपराष्ट्रपति, प्रधानमन्त्री, मन्त्रीहरु, संबैधानिक निकायका उचच अधिकारी कुटनीतिक नियोगका प्रमुखहरुलाइ पनि निम्तो पठाइएको छ ।

राष्ट्रपति भण्डारीले २७ माघमा संघीय संसद प्रतिनिधिसभा र राष्ट्रिय सभाका सांसदहरुलाई संयुक्त सम्बोधन गर्ने कार्यक्रम छ । उनले सम्बोधनको भोलिपल्ट रात्रिभोजको आयोजना गर्न लागेकी हुन् ।

संविधानले दुई पटकभन्दा राष्ट्रपति हुन नसक्ने व्यवस्थाबमोजिम उनी पफागुन २८ मा बिदा हुँदैछिन् । नयाँ राष्ट्रपति चयनका लागि पफागुन २५ मा निर्वाचन घोषणा भइसकेको छ ।