सशस्त्रका चार एसएसपीलाई डीआईजीमा बढुवा सिफारिस

२६ माघ, काठमाडौं । सशस्त्र प्रहरीका चार एसएसपीलाई डीआईजीमा बढुवा सिफारिस गरिएको छ । गृह मन्त्रालयको बढुवा समितिले उनीहरुलाई बढुवा सिफारिस गरिएको हो ।

सशस्त्र प्रहरी नियमावली २०७२ को नियम ३९ को उपनियम १ को ख बमोजिम बढुवा समितिको बुधबारको निर्णयअनुसार सशस्त्र प्रहरी उपरीक्षकहरुलाई सशस्त्र प्रहरी नायब महानिरीक्षकमा बढुवा सिफारिस गरेको गृह मन्त्रालय बढुवा समितिको सचिवालयले जनाएको छ ।

बढुवा सिफारिस हुनेमा सुरेशकुमार श्रेष्ठ पहिलो नम्बरमा रहेका छन् । त्यस्तै अन्जनीकुमार पोख्रेल दोस्रो नम्बरमा, दीपेन्द्र शाह तेस्रो तथा पुरुषोत्तम थापा चौथो नम्बरमा छन् ।

बढुवा सिफारिस उपर चित्त नबुझ्ने सशस्त्र प्रहरी वरिष्ठ उपरीक्षकहरुलाई नियमावलीको नियम ५५ मा व्यवस्था भए बमोजिम ७ दिनभित्र बढुवा उपरको उजुरी सुन्ने समिति समय उजुरी दिनसमेत आग्रह गरेको छ ।

यसअघि दोस्रो नम्बरमा रहेका शाह तेस्रोमा पुगेका छन भने थापा बल्लतल्ल बढुवा सिफारिस भएका छन् ।