बागमती प्रदेशसभाको बैठक बस्दै, विषयगत समिति गठनसम्बन्धी प्रस्ताव पेश हुने संभावना

२६ माघ, हेटौंडा । बागमती प्रदेशसभा बैठक आज बस्दैछ । दिउँसो १ बजेका लागि प्रदेशसभाको सातौं बैठक आह्वान भएको छ । उक्त बैठकमा प्रदेश प्रमुखले सम्बोधन गर्ने कार्यसूची रहेको प्रदेशसभा सचिवालयले जनाएको छ ।

सचिवालयका अनुसार बिहीबार प्रदेशसभामा २ वटा बैठकहरू सञ्चालन हुनेछ । पहिलो बैठकमा प्रदेश प्रमुख यादवचन्द्र शर्माको विशेष सम्बोधन रहनेछ भने दोस्रो बैठकमा धन्यवादसम्बन्धी प्रस्ताव पेश हुनेछ । यही बैठकमा प्रदेश संसदमा रहने विषयगत समिति गठनका लागि सभापति र सदस्यहरुकोा नामावली पेश हुने संभावना रहेको बताइएको छ ।

सुन्दर बास्कोटाले जानकारी दिए । सो कार्यसूची यस अघि नै निर्धारण गरिएको थियो । गत माघ २२ गते बसेको प्रदेशसभामा प्रतिनिधित्व गर्ने सम्पूर्ण दलहरूको उपस्थितिमा बसेको सर्वदलीय बैठकले सो कार्यसूची निर्माण गरेको थियो ।

प्रदेशसभाको विषयगत समितिमा दलहरुबीच सहमति जुटन नसक्दा मुख्यमन्त्री शालकराम जमकट्टेलले विश्वासको मत लिएयता बैठक सुचारु हुन सकेको छैन ।