हामीले भनेकै व्यक्ति राष्ट्रपति हुन्छ, धेरै चिन्ता नलिउँ : ओली

२७ माघ, काठमाडौं । नेकपा (एमाले)का अध्यक्ष केपी शर्मा ओलीले आफूहरुले भनेकै व्यक्ति राष्ट्रपति निर्वाचित हुने बताएका छन् । संघीय संसदको दुवै सदनलाई सम्बोधनपछि राष्ट्रपतिले विद्यादेवी भण्डारीको सम्बोधन सकेपछि बाहिर निस्कने क्रममा सञ्चारकर्मीसँग छोटो प्रतिक्रिया दिदै एमाले अध्यक्ष ओलीले एमालेले उठाउने व्यक्ति नै राष्ट्रपति बन्ने बताए ।

‘हामीले भनेकै ब्यक्ति राष्ट्रपति हुन्छ, धेरै चिन्तित नबनौं’ उनले भने । सत्ता गठबन्धनबारे गरिएको प्रश्नमा भने उनले ‘हेर्दै जाउँ’ मात्र भने । राष्ट्रपति निर्वाचन आगामी पफागुन २५ गते हुँदैछ ।

राष्ट्रपतिमा एमाले र नेपाली कांग्रेसले उम्मेदवार घाेषणा गर्दैछ । सरकारकाे नेतृत्व गरिरहेकाे नेकपा (माओवादी केन्द्र) भने राष्ट्रिय सहमतिमा राष्ट्रपति बनाउनु पर्नेमा जाेड दिइरहेकाे छ ।