कांग्रेस अब बलियो हुँदैछ : श्याम घिमिरे

२७ माघ, महोत्तरी । नेपाली कांग्रेसका केन्द्रीय सदस्य श्याम घिमिरेले गुट उपगुटका कारण समस्यामा परेको नेपाली कांग्रेस अब बलियो हुँदै गएको बताएका छन् ।

महोत्तरीमा गुट उपगुटले कमजोर बनेको कांग्रेस बलियो हुँदै गएको बताएका प्रतिनिधिसभा सदस्यसमेत रहेका उनले कांग्रेसलाई बलियो बनाउने विषयमा छलफल भइरहेको पनि जानकारी दिए ।

गत वैशाखमा सम्पन्न स्थानीय तहको निर्वाचनको समयदेखि कांग्रेस कमजोर भए पनि पुरानै लयमा फर्किने अवस्थामा ल्याइपुर्‍याएको उनको भनाइ छ ।

स्थानीय तहको निर्वाचनमा बागी बनेर निर्वाचित भएका बर्दिबास नगरपालिकाका नगरप्रमुख प्रल्हाद कुमार क्षेत्रीको समूहको कारबाही फुकुवा गर्ने तयारी भइरहेको उनले जानकारी दिए ।