जनमत र नागरिक उन्मुक्ति पार्टी सहभागी हुनै छाडे संयन्त्रको बैठकमा

२९ माघ, काठमाडौं । सरकार संचालनसम्बन्धी तालमेल र भागबण्डा मिलाउने उद्देश्यले गठित सत्तारुढ दलको उच्चस्तरीय राजनीतिक संयन्त्रको बैठकमा घटक दलमध्ये जनमत र नागरिक उन्मुक्ति पार्टी (नाउपा)सहभागी हुनै छाडेका छाडेका छन् । केही दिनयता विकसित राजनीतिक घटनाक्रममा उनीहरु संयन्त्रको बैठकमा सहभागी नहुनुलाई अर्थपूर्ण रुपमा हेरिन थालिएको छ ।

गत शुक्रबार बसेको उच्चस्तरीय राजनीतिक संयन्त्रको बैठकमा सत्तारुढ दल जनमत र नागरिक उन्मुक्ति पार्टी सहभागी भएन । बैठकमा यसअघि जनमतबाट अध्यक्ष सिके राउत र नाउपाबाट अध्यक्ष रञ्जिता श्रेष्ठ सहभागी हुँदै आएका थिए । सत्ता संचालन र मन्त्रालय भागबण्डामा खटपट पैदा भएयता संयन्त्र संयाेजक एमाले अध्यक्ष केपी शर्मा ओलीले बाेलाएकाे बैठकमा २ पर्टीबाट प्रतिनिधिसमेत सहभागी भएका छैनन् ।

नागरिक उन्मुक्तिले मुख्यमन्त्रीलाइ विश्वासको मत नदिँदा सुदूरपश्चिममा बनेको एमाले नेतृत्वकाे सरकार ढल्न पुग्यो भने सत्ता गठबन्धनको हातबाटै गुमेको सरकारको नेतृत्व कांग्रेसले पाएको छ ।

यसको भोलिपल्ट शुक्रबार बसेको संयन्त्रको बैठकमा नागरिक उन्मुक्ति मात्र होइन जनमत पार्टी पनि सहभागी भए । आइतबार पनि बालुवाटारस्थित प्रधानमन्त्रीको सरकारी निवासमा संयन्त्रको बैठक बसिरहेको छ । जसमा उन्मुक्ति र जनमतका नेता सहभागी छैनन् ।

जारी बैठकमा संयन्त्रको संयोजक तथा एमाले अध्यक्ष केपी शर्मा ओली, नेकपा माओवादी केन्द्रका अध्यक्ष तथा प्रधानमन्त्री पुष्पकमल दाहाल प्रचण्ड, राष्ट्रिय स्वतन्त्र पार्टी सभापति रवि लामिछाने र राप्रपा अध्यक्ष राजेन्द्र लिङ्देन सहभागी छन् ।