नाबालिका बलात्कारको आरोपमा एकजना पक्राउ

२९ माघ, काठमाडौं । बालिका बलात्कारको आरोपमा रामेछापमा प्रहरीले एकजनाई पक्राउ गरेको छ । पक्राउ पर्नेमा सुनापति गाउँपालिका–२ दिमीपोखरीका चेत भनिने २६ वर्षीय रबिन थापामगर रहेका छन् ।

थापालाई शुक्रबार साँझ सोही स्थानकी एक नालिकालाई घरनजिकैको जंगलमा बलात्कार गरेको आरोपमा पक्राउ गरेको जनाइएको छ । उनलाई घटनाको २४ घण्टापछि शनिबार साँझ पक्राउ गरिएको हो ।

घटनापछि फरार भएका मगरलाई खैरेनीघाटबाट पक्राउ गरिएको रामेछाप प्रहरी प्रमुख होमबहादुर पराजुलीले बताए । पक्राउपछि अभियुक्त मगरलाई जिल्ला प्रहरी कार्यालय मन्थली पर्याएर घटनाबारे प्रहरीले आवश्यक अनुसन्धान गरिरहेको छ ।

पीडित बालिकाले घटनालगत्तै चिच्याउँदै घर आएपछि घटना बाहिरिएको थियो । त्यसपछि प्रहरीलाई घरपरिवारले खबर गरेका थिए ।