लोसपाका नेता यादव सिके राउतकाे पार्टीमा प्रवेश गर्दै

२९ माघ, काठमाडौं । लोकतान्त्रिक समाजवादी पार्टी नेपाल (लोसपा)का युवा नेता डा. शरद यादव पार्टी त्याग गर्ने भएका छन् । उनी जनमत पार्टीमा प्रवेश गर्न लागेका हुन् ।

लोसपा पार्टी व्यक्तिवादी र असंगठित भएको जनाउँदै उनले पार्टी त्याग गर्न लागेका हुन् । उनी आजै जनमत प्रवेश गर्ने तयारी भएको बताइएको छ ।

मधेशका लागि केही गरौँ भनेर पार्टीमा लागेको भएपनि लोसपामा काम गर्ने कुनै योजना र कार्यक्रम नदेखिएपछि यादवले पार्टी छाड्न लागेको निकटस्थहरु बताउँछन् ।

पछिल्ले चरणमा लोसपा सत्ताका लागि बार्गेनिङमा लिप्त भएको र जनताको माग हराउँदै गएपछि यादवजस्ता इमान्दार नेताहरु लोसपाबाट पलायनको अवस्थामा पुगेको नेताहरुले बताए ।