मुख्यमन्त्री शाहले भेटे सभापति देउवालाई, विश्वासकाे मत जुटाउन नाउपासँग छलफल

२९ माघ, काठमाडौं । सुदूरपश्चिम प्रदेशका नवनियुक्त मुख्यमन्त्री कमलबहादुर शाहले नेपाली कांग्रेसका सभापति शेरबहादुर देउवासँग भेट गरेका छन् । मुख्यमन्त्रीमा शपथ खाएको दुई दिनपछि देउवाकै बोलावटमा शनिबार काठमाडौं आएपुगेका उनले आइतबार बिहान सभापति देउवासँग भेट गरेका हुन् ।

उनी एमालेको सरकार ढलेपछि शुक्रबार मात्र मुख्यमन्त्रीमा नियुक्त भएका हुन् । भेटमा देउवा बधाई शुभकामना दिएका थिए ।नागरिक उन्मुक्ति पार्टीले विश्वासको मत नदिएपछि एमालेका राजेन्द्रसिंह रावल नेतृत्वको सरकार ढलेको थियो । मुख्यमन्त्री शाहले काठमाडौ आएर नागरिक उन्मुक्तिकी अध्यक्ष रञ्जिता श्रेष्ठ चौधरीसहित प्रदेश सांसदहरुलाई भेट गरेका छन् ।

सुदूरपश्चिममा मुख्यमन्त्री बन्न २७ जना प्रदेशसभा सदइस्यको समर्थन आवश्यक पर्छ । नियुक्तिका बेला २९ सदस्यको समर्थन पाएका रावलले विश्वासको मत लिँदा २२ मत पाएका थिए । अब कांग्रेसका शाहलाई आफ्ना पक्षका १९, एकीकृत समाजबादीका ४ र स्वतन्त्र १ मत गरी २४ मत छन् । विश्वासको मत पाउन उनले ७ मत रहेको नागरिक उन्मुक्ति र ११ मत रहेको माओवादी केन्द्रको साथ लिनुपर्ने हुन्छ । माओवादी केन्द्रले त सरकार ढलेलगत्तै शाहलाई विश्वासको मत नदिने बताइसकेको छ ।

तर नाउपाले भने निर्णय लिइसकेको छैन । उसको मुख्य मात्र भनको रेशम चौधरी लगायत टिकापुर घटनाका सबै आरोपी थारु नेताहरु जेलबाट रिहा हुनुपर्ने माग छ । शाहले आगामी फागुक २६ गतेभित्र विश्वासको मत लिनुपर्ने बाध्यता छ ।

एकीकृत समाजवादीका एक सहित उनले ३ सदस्ययीय मन्त्रिपरिषद गठन गरिसकेका छन् । नाउपा सरकारलाइ तत्काल राम्राे मन्त्रालय दिएर सरकारमा ल्याउने याेजनामा शाह छन् । यसका लागि पहल गर्न सभापति देउवासँगकाे भेटमा उनले अनुराेध गरेका छन् । शाहले शनिबार नै रेशमकाे घरमा पुगेर परिवारसँग भेट गरेका थिए ।