राष्ट्रिय स्वतन्त्र पार्टीकाे केन्द्रीय समिति बैठक जारी

१ फागुन, काठमाडौं । सरकारबाट बाहिरिएको राष्ट्रिय स्वतन्त्र पार्टी (रास्वपा)को केन्द्रीय समिति बैठक पार्टी मुख्यालय धुम्वाराहीमा जारी छ ।

महामन्त्री मुकुल ढकाल उपत्यका बाहिर भएका कारण बैठकमा सहमहामन्त्रीले बैठकमा छलफलका एजेण्डा पेस गरेका छन् । बैठकमा समसामयिक राजनीति, सल्लाहकार समिति गठन, केन्द्रीय समिति विस्तार, विभाग गठन तथा नेताहरुको जिम्मेबारी बाँडफाँटका विषयलाई एजेण्डाको रुपमा पेस गरेका छन् ।

आजकै बैठकले रास्वपामा केन्द्रीय सदस्य थप गर्न सक्ने बताइएको छ । अहिले २४ सदस्यीय केन्द्रीय कमिटी छ । प्रचण्ड नेतृत्वको सरकारबाट बाहिरिएपछि रास्वपाको केन्द्रीय समितिको यो पहिलो बैठक हो ।