कांग्रेस सभापति देउवासँग भारतीय विदेश सचिव क्वात्राले गरे भेटवार्ता

१ फागुन, काठमाडौं । नेपाल भ्रमणमा रहेका भारतीय विदेश सचिव विनयमोहन क्वात्राले सोमबार साँझ नेपाली कांग्रेसका सभापति शेरबहादुर देउवालाई भेटेका छन् ।

उनले सोमबार बिहान काठमाडौं उत्रिएलगत्तै राजनीतिक भेटवार्तामा व्यस्त रहेका क्वात्राले धुम्बाराही पुगेर देउवासँग राजनीतिक भेटवार्ता गरेका हुन् ।

क्वात्रासँगको भेटघाटपछि सभापति देउवाले यो भेटवार्तापछि खुसी व्यक्त गरेका छन् । उनले भेटका क्रममा दुई देशका साझा चासो र जनस्तरमै रहेको सम्बन्धलाई अझै बलियो बनाउनेबारे कुरा भएको जनाएका छन् ।

ुभारतका विदेश सचिव विनय मोहन क्वात्रासँग भेट्दा खुसी लागेको छ । आपसी हितका विभिन्न मुद्दा र जनस्तरमै रहेको सम्बन्धलाई मजबूत बनाउनेबारे कुरा भयो, हाम्रो साझा लक्ष्य दुवै देशका नागरिकको हित र नेपाल(भारत सम्बन्धलाई अझै प्रगाढ बनाउने रहेको छु, उनले भेटपछि भनेका छन् ।

यसअघि क्वात्राले नेपालस्थित परराष्ट्र मन्त्रालयका सचिव भरतराज पौड्यला, परराष्ट्रमन्त्री विमला राई पौड्यालसँग पनि भेट गरिसकेका छन् ।