ह्याप्पी भ्यालेन्टाइन डे, माया !!

स्वइच्छा महर्जन

२ फागुन, काठमाडाैं । आज १४ फेब्रुअरी अथात् ‘भ्यालेन्टाइन डे’ जसलाई प्रेम दिवस अथवा प्रणय दिवसपनि भनिन्छ । भ्यालेन्टाइन डेलाई प्रेम, मित्रता र प्रशंसाको रुपमा मनाउने वार्षिक उत्सव पनि भन्न सकिन्छ । यसदिन विश्वभर परिवार र साथीहरूलाई प्रेम र स्नेहको सन्देश र उपहार दिई मनाउने गर्दछन् । विशेष गरी प्रेम दिवस अथवा प्रणय दिवसलाई युवायुवतीले ठूलो चार्डका रुपमा मनाउने गरेका छन् ।

पछिल्लो समय युवापुस्तामा बढी लोकप्रिय रहेको यो दिवसमा नयाँ प्रेमी प्रेमीकाले प्रेमको प्रतीक गुलबको फूल उपहार दिएर प्रेम प्रस्ताव राख्ने दिनका रुपमा लिने गरेका छन् । प्रेमी प्रेमिकाले प्रेम प्रस्ताव राख्ने र आपसमा आफ्नो भावनालाई प्रस्तुत गरि माया साटासाट गरि मनाउने गर्दछन् । भ्यालेन्टाइनलाई मृत्युदण्ड दिएको सम्झनामा प्रणय दिवस मनाउन थालिएको यो दिवस अहिले विश्वभर चर्चित रहेको छ । भ्यालेन्टाइन डे को शुरुवात सन् २६९ बाट रोमनबाट भएको मानिन्छ ।

पश्चिम देशहरुमा मनाइँदै आएको यो चार्ड अहिले नेपालमा पनि धेरैले युवा युवतीले मनाउने गरेका छन् । हुन त माया गर्नेका लागि भ्यालेन्टाइन डे नै आउनु पर्छ भन्ने छैन, माया गर्नेहरुका लागि वर्षभरी नै भ्यालेन्टाइन डे हुन्छ । माया भनेको एउटा अदभूत शक्ति हो जुन हामीले न देखाउन सक्छौ न त तौलिन नै सक्छौ केबल महशुस गर्न सक्छौ । यो फिक्का संसारलाई मायाले नै रङ्गाई रहेकाे छ । यदि माया नभएको भए संसार अधुरो हुन्थ्यो होला ।

भनिन्छ नि, मायामा न जात नै हुन्छ न कुनै सीमा नै । माया आफैमा भित्री भाव स्नेह हुन्छ । माया अन्धो हुन्छ, मायामा सबै कुरा जायज हुन्छ । मायामा रोमान्स हुन्छ, मायामा भित्री भाव हुन्छ । माया र्सिफ माया नै हुन्छ । तेसैले त माया, तिम्रो मायाको नसाले मलाई लठठ्ई पारेको छ । जब तिमीले माया भनेर बोलाउछौ नि तब मेरो मुटुको ढुकढुकी बढ्न थाल्छ, मनमा नयाँ उत्साह र उमंग छाउछ। तिम्रो त्यो ‘माया’ शब्दले मेरो दिन नै बद्लन्छ । म मौन छु, म आफ्नो भावना सुनाउदिन होला तर यसको मतलब यो होइन कि मेरो केही भन्नु छैन, मेरो कुनै भावना नै छैन ।

म तिमीलाई जहिले ‘आई लभ यु’ नभनुला तर यसको मतलब यो होइन कि म तिमीलाई माया नै गर्दिन । भन्निन्छ नि, जिन्दगीमा आश लाग्ने कुराहरू धेरै हुन्छन तर खास लाग्ने मान्छे भने कुनै एकमात्र । मेरो जीवनमा पनि खास मान्छे तिमी नै हौ । तिमीलाई अथाह माया गर्ने मेरो सपना कहिले अपुरो नहोस् । मेरो दिनको सुरुवात र अन्त्य सधैं तिमीसँगै होस् । तिम्रो हरेक दुख र सुखको पाइलामा मेरो साथ रहने छ । हाम्रो मायाको खोला सधैं यसरी नै बगिरहोस् । हाम्रो मायाको बगैंचा सधैं यसरी रङ्गाइरहोस्। तिमी जता भए पनि मेरो धेरै माया अनि धेरै सम्झना है !! “ह्याप्पी भ्यालेन्टाइन डे, माया !!