थुनामा रहेका जर्नेलले कर्णेललाई दोष दिदा एक तह फूली खोसियो

३ फागुन, काठमाडौं । नेपाली सेनाका एक कर्णेललाई मेजरमा घटुवा गरिएको छ । विशेष फोर्सका कमाण्डर भइसकेका प्रमुख सेनानी (लेफ्टिनेट कर्णेल) हरि बोहोरालाई एक पद घटुवा गरिएको हो ।

प्रधानसेनापति प्रभुराम शर्माले ती कर्णेललाई हाल लगाएको फूली खोसेर एक तह घटुवा गरिएको हो । उनी वि सं २०७४–२०७५ मा नेपाली सेनाको विशेष फौज मानिने भैरवनाथ गणका गणपतिसमेत थिए । छानविनको क्रममा रहेका मेजर जनरल प्रेम शाहीको बयानको आधारमा उनको फूली खोसिएको स्रोतको दावी छ ।

नेपाली सेनाका प्रवक्ता सहायक रथी कृष्णप्रसाद भण्डारीले बोहोराको फूलि खोसिएको पुष्टि गरेको छन् । ‘उहाँमाथि कोर्ट मार्शल गर्दै कारवाही गरिएको हो,’ सहायक रथी भण्डारीले भने, ‘उहाँलाई आर्थिक अनियमिता गरेको अभियोगमा एक तह घटुवा गरिएको हो ।’

उनीमाथि सुदूरपश्चिमको कुनै गणको गणपति हुँदा आर्थिक हिनामिना गरेको आरोप लागेको थियो । आर्थिक हिनामिना गरेको भन्दै ठेकेदारले उजुरी दिएका थिए । उक्त उजुरीमाथि छानविन गर्ने क्रममा तत्कालीन सुदूरपश्चिमका पृतनापछि हाल सैनिक हिरासतमा रहेका नेपाली सेनाका मेजर जनरल प्रेम शाहीले कर्णेल बोहोराको नाम लिएका थिए ।

उक्त उजुरीमाथि छानविन हुँदा कर्णेल बोहोरा दोषी पाइएपछि उनलाई एक तह घटुवा गरिएको हो । बोहोरा माथि सुदूरपश्चिमको कुनै गणको गणपति हुँदा आर्थिक हिनामिना गरेको आरोप लागेको थियो । आर्थिक हिनामिना गरेको भन्दै ठेकेदारले उजुरी दिएका थिए । उक्त उजुरीमाथि छानविन गर्ने क्रममा तत्कालीन सुदूरपश्चिमका पृतनापछि हाल सैनिक हिरासतमा रहेका नेपाली सेनाका मेजर जनरल प्रेम शाहीले कर्णेल बोहोराको नाम लिएको स्रोतको दावी छ ।

उक्त उजुरीमाथि छानविन हुँदा कर्णेल बोहोरा दोषी पाइएपछि उनलाई एक तह घटुवा गरिएको हो । उनीमाथि सेनाले करिब २० करोड रुपैया हिनामिना गरेको चार्ज लगाएको स्रोतको दावी छ ।