आयुर्वेद शिक्षण भवन उद्घाटन गर्न दाङ पुगिन् राष्ट्रपति भण्डारी

३ फागुन, काठमाडौं । आयुर्वेद शिक्षण भवनको उद्घाटन गर्न राष्ट्रपति विद्यादेवी भण्डारी दाङ आइपुग्नुभएको छ । काठमाडौंबाट हेलिकप्टरमार्फत उनी साढे ११ बजे दाङ पुगेकी हुन् ।

लुम्बिनी प्रदेशप्रमुख अमिक शेरचन, सञ्चार तथा सूचना प्रविधिमन्त्री रेखा शर्मा र नेपाल संस्कृत विश्वविद्यालयका उपकुलपति यादवप्रसाद थपलियाले राष्ट्रपति भण्डारीलाई स्वागत गरेका थिए ।

राष्ट्रपति भण्डारीले नेपाल संस्कृत विश्वविद्यालयको आयुर्वेद शिक्षण भवनको उद्घाटन गर्ने कार्यक्रम छ ।