क्वात्रा फर्केको २४ घण्टामा सुटुक्क अमरेश सिंह दिल्लीमा !

४ फागुन, काठमाडौं । भारतीय विदेश सचिव विनयमोहन क्वात्रा भारत उडेको २४ घण्टा नवित्दै नेपाली कांग्रेसका पूर्व नेता हालका सांसद अमरेश सिंह नयाँ दिल्ली उडेका छन् ।

क्वात्रासँगै नेपाल आएका विदेश मन्त्रालयका उपसचिव रोहित मिश्रसँगै सिंह पनि दिल्ली गएका हुन् । मिश्र भने आजै दिल्ली फर्केका थिए । मंसिर ४ को निर्वाचनमा सर्लाही ४ बाट स्वतन्त्र उम्मेदवार उठेर सांसद बनेका सिंह भारत जानुलाई अर्थपूर्ण मानिएको छ ।

नेपालका राष्ट्रपतिको निर्वाचन नजिकिदै गर्दा छिमेकी मुलुकबाट कुटनीतिज्ञहरु नेपाल भ्रमणमा आउने र नेपालबाट सांसदहरु सुटुक्क छिमेकी मुलुकको भ्रमणमा जानुलाई नेपाली राजनीतिमा चर्चाकै विषय बन्ने गरेको छ । सांसद सिंह भारत जाँदा पनि यतिबेला राजनीतिमा दक्षिणको छायाँ परेको हो कि भन्ने शंका उत्पन्न भएको छ ।