सांसद भण्डारीलाई भारत लैजान विमानस्थल लगियाे, साथमा ६ जना चिकित्सक जाने

४ फागुन, काठमाडौं । ग्यास विस्फोटपछि आगलागीबाट जलेर घाइते भएका नेपाली कांग्रेसका नेता चन्द्र भण्डारीलाई थप उपचारका लागि भारतको मुम्बई लैजानका लागि कीर्तिपुर अस्पतालबाट निकालिएको छ ।

उनाई एम्बुलेन्समा राखेर त्रिभुवन अन्तर्राष्ट्रिय विमानस्थल लगिएकाे छ । विमानस्थलबाट श्री एयरलाइन्सको विमानमार्फत उनलाई उपचारका लागि मुम्बईको नेशनल बर्नस् सेन्टरमा लगिनेछ ।

एयर एम्बुलेन्सको रुपमा लगिने सो फ्लाइटमा मेडिकल टिमको व्यवस्थापन नर्भिक अस्पतालले गर्ने भएको छ । नर्भिकबाट ६ जना चिकित्सकको टीम फ्लाइटमा हुने स्वास्थ्य तथा जनसंख्या मन्त्रालयले जनाएको छ ।

बुधबार राति बुद्धनगरस्थित घरमा आगलागी हुँदा सांसद भण्डारी र उनकी आमा हरिकला गम्भीर घाइते भएका थिए आगोले उनको ३० प्रतिशत शरीर जलेको चिक्तिसक्हरुले जनाएका छन् । हरिकलाको आज बिहान उपचारकै क्रममा निधन भएको छ ।