त्रिभुवन अन्तर्राष्ट्रिय विमानस्थलमा ९ वटा पसल कारबाहीमा

४ फागुन, काठमाडौं । त्रिभुवन अन्तर्राष्ट्रिय विमानस्थलभित्र सञ्चालित ९ वटा पसलमाथि कारबाही गरिएको छ । विमानका यात्रुसँग सामानमा चर्को मूल्य असुलेपछि ती पसलहरुमाथि वाणिज्य, आपूर्ति तथा उपभोक्ता हित संरक्षण विभागले कारबाही गरेको हो ।

अनुगमनका क्रममा ती पसलहरुले यात्रुसँग एमआरपीभन्दा तीन गुणा बढी मूल्य लिएको पाइएको थियो । त्यसपछि पसलेहरुलाई कारबाही गरिएको विभागले जनाएको छ ।

विभागका अनुसार कसुरका आधारमा २ देखि ३ तीन लाख रुपैयाँ जरिबाना गरिएको छ । ९ वटा पसललाई कारबाही गरेर १५ लाख रुपैयाँ असुली गरिएको विभागले जनाएको छ । पसलेहरूले केक, पेय पदार्थ लगायत खानेकुरामा चर्काे मूल्य असुल्दै आएका थिए ।