मुग्लिन-नारायणगढ सडकखण्ड अझै १५ दिन बन्द हुने

५ फागुन, चितवन । नारायणगढ–मुग्लिन सडकखण्ड अझै १५ दिन बन्द हुने भएको छ ।चिसेन्जी खोला र तुइनखोलामा पुलका लागि सडक बढाउन चट्टान काट्ने काम नसकिएपछि थप १५ दिन सडक बन्द हुने भएको हो ।

गत पुस ५ गतेदेखि माघ ५ गतेसम्म पहिलो र माघ ५ देखि फागुन ५ गतेसम्म दोस्रोपटक एक एक महिनाको दरले दैनिक ४ घण्टा सडक बन्द गरेर पहरो काट्ने काम गरे पनि कटान काम सकेको छैन ।

काम सक्न थप १५ दिन बन्द गर्न लागिएको सडक आयोजना प्रमुख किरण कार्कीले जानकारी दिए । चट्टान काट्न फागुन ६ गतेदेखि २० गतेसम्म १५ दिन दिउँसो १२ बजेदेखि ४ बजेसम्म सडक बन्द हुने उनले बताए ।

कालिखोला, चिसेन्जी र तुइन खोलामा पुल बनाउन समस्या भएकोले पुलका लागि फाउण्डेशन बनाउन चट्टा काटन लागिएको हो ।