सत्ता गठबन्धनकाे चिसोपना मेटाउन प्रचण्ड ओली भेट्न बालकोटमा

५ फागुन, काठमाडौं । सत्ता गठबन्धनमा तिक्तता बढेको छ । यसबिचमा प्रधानमन्त्री पुष्पकमल दाहाल ‘प्रचण्ड’बीचको भेटवार्ता निष्कर्षविहीन बन्दै आएको छ । सोही क्रमा नेकपा (एमाले) अध्यक्ष केपी शर्मा ओलीलाई भेट्न प्रधानमन्त्री प्रचण्ड शुक्रबार उनकै निवास बालकोट पुगेका छन् ।

सन्निकट आएको राष्ट्रपतिको निर्वाचनबारे प्रचण्ड र ओलीबीच सझदारी भइसकेको छैन । राष्ट्रपतिमा एमालेका उम्मेदवालाई साझेदर दलहरुले सघाउनुपर्ने अडान राख्दै आएका ओली प्रचण्डलाई भेटन बालुवाटार पटकपटक धाइरहेका छन् । हिजो मात्र पनि ओली बालुवाटा पुगेर छलफल गरे, तर प्रचण्ड सकारात्मक हुन सकेनन् ।

तर आज सोही विषयमा छलफल गर्न प्रचण्ड अ‍ोलीलाई भेटन् प्रचण्ड बालकोट पुगेका हुन् ।  सरकार गठनताका भएको सहमतिअनुसार राष्ट्रपति आफ्नो पार्टीले पाउनुपर्ने एमालेको अडान छ भने प्रधानमन्त्री राष्ट्रिय सहमतिका आधारमा राष्ट्रपति बनाउनुपर्ने बताउँदै आएका छन् ।

प्रधानमन्त्री प्रचण्डकै सहमतिमा कांग्रेसबाट राष्ट्रपति बनाउन लागेको चर्चाले सत्तारुढ घटक माओवादी केन्द्र र एमालेबीच चिसोपना बढाइरहेको छ । यही चिसोपना मेटाउन केही हप्तायता प्रचण्ड र ओली दैनिकजसो भेटवार्ता गर्ने गरेका छन् ।

गत पुष १० मा प्रधानमन्त्री नियुक्तिमा प्रचण्डलाई सघाउँदा भएको सहमति अनुसार एमालेले उठाएकै उम्मेदवारलाई माओवादी केन्द्रले समर्थन गर्नुपर्ने वाचालाई तोडिएमा गठबन्धन जोगिन नसक्ने संकेत ओलीले दिइसकेका छन् ।