मोबाइल लुटपाट घटनामा थप एक जना पक्राउ

५ फागुन, काठमाडौं । ल्होत्से मलमा भएको लुटपाटमा संलग्नताको आरोपमा प्रहरीले थप एक जनालाई पक्राउ गरेको छ । पक्राउ पर्नेमा हाल बालाजु नेपालटारमा बस्दै आएका नुवाकोटको सूर्यगढी गाउँपालिका–४ बारपाटेका २९ वर्षीय सरोज पौडेल रहेका छन् ।

यातायात व्यवसायीको आन्दोलनका क्रममा यही सोमबार मलमा प्रवेश गरेर पसल तोडफोड र मोबाइल चोरी गर्दै गरेको ससिी टिभीमा देखिएका उनलाई काठमाडौं उपत्यका अपराध अनुसन्धान कार्यालयको टोलीले आज बालाजु बसपार्कबाट पक्राउ गरेको हो ।

उनलाई थप अनुसन्धान तथा कारबाहीको लागि प्रहरी वृत महाराजगञ्ज पठाइएको छ । उनीमाथि पनि चोरीसम्बन्धी कसूर मुद्दामा अनुसन्धान गरिने भएको छ ।