राष्ट्रपतिमा माओवादी केन्द्रले एमालेलाई नै साथ दिन्छ : ओली

७ फागुन, काठमाडौं । नेकपा (एमाले) का अध्यक्ष केपी शर्मा ओली राष्ट्रपतिको चुनावमा माओवादी केन्द्रले एमाले उम्मेदवारलाई साथ दिनेमा आफू ढुक्क रहेको बताएका छन् ।

आइतबार एमाले निकट राष्ट्रिय खेलकुद महासंघको अधिवेशन उद्घाटन गर्न आइतबार विराटनगर पुगेका ओलीले विमानस्थलमा पत्रकारहरूसँग कुरा गर्दै राष्ट्रपति एमालेले लिने विषयमा माओवादीसँग पहिला नै सहमति भइसकेको बताए ।

राष्ट्रपतिको बन्नेबारे पहिल्यै फिक्स्ड भइसकेको उनको भनाइ थियो । ‘फिक्स्ड भइसकेको विषयमा माओवादी केन्द्रले मत दिँदैन कि भनेर कल्पना नगर्नुस्’ उनले भने ।अर्को प्रसंगमा पूर्वराजा ज्ञानेन्द्र शाहले प्रजातन्त्र दिवसको अवसरमा दल र राजसंस्थाबीच सहकार्यको प्रस्ताव गरेको विषयलाई अर्थहीनभएको बताए । ज्ञानेन्द्र शाह भ्रम र अलमलमा रहेको बताए ।

उनले प्रजातन्त्र दिवसकाे अवसरमा आज एक विज्ञप्ति जारी गरेर ‘समृद्ध नेपाल, सुखी नेपाली’ को राष्ट्रिय आकाङ्क्षा पूरा गर्ने अभियानलाई एमालेले अझ सबल रूपमा अगाडि बढाउन चाहेको’ बताएका छन् ।