एमाले राष्ट्रपतिको उम्मेदवार सार्वजनिक गर्ने तयारीमा

७ फागुन मोरङ । नेकपा (एमाले)का अध्यक्ष केपी शर्मा ओलीले पार्टीको तर्फबाट राष्ट्रपतिका लागि उम्मेदवार घोषणा गर्ने तयारी गरेको बताए । विराटनगर विमानस्थलमा संचारकर्मीसँग कुराकानी गर्दै उनले पार्टीले फागुन १३ राष्ट्रपतिको उम्मेदवार सार्वजनिक गर्ने बताए ।

राष्ट्रपति उम्मेदवारको नाम १३ मात्रै बताउने उनले बताए । १३ फागुनमा राष्ट्रपति पदका लागि मनोनयन दर्ता हुँदैछ । उनले सरकारको नेतृत्व पाइरहेको माओवादी केन्द्रले एमालेका उम्मेदवारलाई समर्थन गर्नेमा आफू विश्वस्त रहेको बताए ।

माओवादी केन्द्रले एमालेका उम्मेदवारलाई साथ दिएको खण्डमा राष्ट्रपतिको निर्वाचन सत्ता समीकरण बदलिने कारण नबन्ने उनको भनाइ छ ।