गोरखाका क्याम्पस प्रमुख दुवाडीद्वारा आत्मालोचना, क्याम्पसकाे तालाबन्दी खुल्यो

८ फागुन, काठमाडाैं । गोरखाको द्रव्यशाह बहुमुखी क्याम्पसका प्रमुख राचन्द्र दुवाडीले विद्यार्थीसामू आत्मआलोचना गरेका छन् । फागुन १ गतेका दिन सरकारले जनयुद्ध दिवसमा दिएको सार्वजनिक बिदालाई लिएर दुवाडीले सामाजिक संजालमार्फत विरोध जनाएपछि क्याम्पसको माओवादीस् केन्द्रनिकट विद्यार्थी संगठनले कुटपिट गरेका थिए ।

सोही घटनालाई लिएर दुवाडी लगायत अन्य एमालेनिकट विद्यार्थी संगठनले कुटपित गर्नेहरुमाथि कारवाहीको माग गर्दा समेत प्रशासन मौन बसेको भन्दै क्याम्पसमा तालाबन्दी समेत गरेका थिए । त्यसपछि क्याम्पसमा पठनपाठनेखि प्रशासनिक कार्य बन्द थियो । प्रमुख दुवाडी एमाले समर्थित मानिन्छन् ।

यसैबीच आइतबार सोमबार बिहान भएको छलफलमा प्रमुख दुवाडीले आत्मलोचना र कुटपिटमा संलग्न विद्यार्थी संगठनले माफी मागेपछि विवाद साम्य भएको छ । तालाबन्दी पनि खुलेको छ । दुवै पक्षले आत्मआलोचना गर्ने र समझ्दारी कायम गर्ने लिखित सहमतिपछि तालाबन्दी खुलेको गोरखा एसपी अनुप श्रेष्ठले बताएका छन् ।