लुम्बिनी प्रदेशका नवनियुक्त जसपाका मन्त्री अहिरले लिए शपथ

८ फागुन, काठमाडौं । लुम्बिनी प्रदेशमा जनता समाजवादी पार्टी (जसपा)बाट सरकारमा नियुक्त मन्त्री भण्डारीलाल अहिरले आज पद तथा गोपनियताको शपथ ग्रहण गरेका छन् ।

प्रदेश प्रमुख अमिक शेरचनले मुख्यमन्त्री लिला गिरिको सिफारिसमा संविधानको धारा १६८ को उपधारा २ अनुसार आइतबार कृषि तथा भूमि व्यवस्था मन्त्री नियुक्त गरेका थिए । मन्त्री आहिरलाई प्रमुख शेरचनले सोमबार शपथ ग्रहण गराएका हुन् ।

यसअघि नियुक्त एमालेका सोही मन्त्रालय सम्हाल्दै आएका तुलसीराम शर्मालाई बिना विभागीय बनाएर जसपालाई सरकारमा सहभागी गराइएको हो ।

अब उमालेसँग मुख्यमन्त्रीसमेत गरी ४ मन्त्राल मात्र परेको छ । जसपा सरकारमा सहभागी भएसँगै उसको मन्त्रालय संख्या घटेको हो । मुख्यमन्त्रीमा सुरुको आधा कार्यकाल आफूले पाउनुपर्ने दाबी माओवादी केन्द्रले गर्दै आइरहेको बेला मुख्यमन्त्री गिरिले जसपालाई सरकारमा मन्त्री दिएर ल्याएका हुन् । मन्त्रालय भागभण्डामा पनि माओवादी केन्द्रले असन्तुष्ट जनाउँदै आएको छ ।

जसपा याेसँगै २ वटा प्रदेशमा सरकारमा सहभागी भएकाे छ । मधेश प्रदेशमा त जसपाकै नेतृत्वमा सरकार छ ।