नेपाल टी–२० लिगमा ‘स्पट फिक्सिङ’को आरोपमा मेहबुबसहित ५ जनाविरुद्ध मुद्दा दर्ता

८ फागुन, काठमाडौं । काठमाडौं जिल्ला सरकारी वकिल कार्यालयले नेपाली टी–२० लिगमा ‘स्पट फिक्सिङ’ गरेको आरोपमा ५ जनाविरुद्ध मुद्दा दर्ता गरेको छ ।

काठमाडौं जिल्ला सरकारी वकिल कार्यालयले सोमबार क्रिबेट खेलाडी मेहबुब आलम र आदिल अन्सारी, नितेश शाह, नविन कँडेल र रवि माझीविरुद्ध काठमाडौं जिल्ला अदालतमा मुद्दा दर्ता गरेको हो ।

कीर्तिपुरस्थित त्रिवि क्रिकेट मैदानमा गत पुस ९–२७ सम्म भएको नेपाली टी–२० लिगमा भएको ‘स्पट फिक्सिङ’को आशंकामा प्रहरीको केन्द्रीय अनुस्न्धान ब्यूरो (सीआईबी)ले पक्राउ गरी अनुसन्धान सकेर तयार पारेको प्रतिवेदनका आधारमा काठमाडौं जिल्ला सरकारी वकिल कार्यालयले मुद्दा दर्ता गरेको हो ।