प्रधानमन्त्रीले दिए त्रिकोणात्मक एकदिवसीय सिरिज जितेका क्रिकेटरलाई बधाई

९ फागुन, काठमाडौं । प्रधानमन्त्री पुष्पकमल दाहाल ‘प्रचण्ड’ ले मंगलबार स्कटल्यान्डमाथि जित हात पार्दै सिरिज क्लिनस्विप गरेका नेपाली क्रिकेट टिमलाई बधाई दिएका छन् । खेल जितेको केही समयपछि नै प्रधानमन्त्री प्रचण्डले सामाजिक सञ्जालमार्फत बधााई शुभकामना दिएका हुन् । उनले नेपालको याे जितलाई ‘रोमाञ्चक जित’ संज्ञाा दिँदै सम्पूर्ण खेलाडीहरूको निरन्तर प्रगतिको शुभकामना व्यक्त गरेका छन् ।

सामाजिक सञ्जाल फेसबुकमार्फत भनेका छन्, ‘आईसीसी क्रिकेट विश्वकप लिग टु च्याम्पियन स्कटल्यान्डमाथि दुई विकेटको रोमाञ्चक जित हात पार्दै घरेलु मैदानमा भएको सिरिज क्लिन स्विप गरेकोमा नेपाली टिमलाई हार्दिक बधाई ज्ञापन गर्दै सम्पूर्ण खेलाडीहरूको निरन्तर प्रगतिको हार्दिक शुभकामना व्यक्त गर्दछु।’

त्रिवि क्रिकेट मैदानमा कप्तान रोहित पौडेल र करण केसीले नवौँ विकेटमा ७५ रनको साझेदारी गरेपछि नेपालले निर्धारित २१३ रनको लक्ष्य पूरा गर्दै स्कटल्यान्डमाथि मंगलबार आइसिसी विश्वकप लिग–२ अन्तर्गत नेपाल, स्कटल्यान्ड र नामिबियाबीचको त्रिकोणात्मक एकदिवसीय सिरिजमा नेपाल लगातार चौथो जित निकालेको हो ।