संसदमा २ वटा विधेयक पेस, सम्पत्ति शुद्धिकरणसम्बन्धी विधेयकको नाममै प्रश्न

१० फागुन, काठमाडौं । सरकारले प्रतिनिधिसभा (संसद)को बुधबारको बैठकमा दुई वटा विधयेक पेस गरेको छ । नियमावली मस्यौदा समितिका अध्यक्ष चित्रबहादु्र केसीले प्रतिनिधिसभाका केही नियमावली परिवर्तन गर्न बनेको नियमावली मस्यौदा समितिको प्रतिवेदन–२०७९ पेस गरेका हुन् ।

यस्तै कानुनमन्त्री ध्रुवबहादुर प्रधानले ‘सम्पत्ति सुदृढिकरण (मनि लाउण्डरिङ) निवारण तथा व्यावसायिक तथा वातावरण प्रवर्द्धनसम्बन्धी केही ऐनलाई संशोधन गर्ने सम्बन्धी विधेयक २०७९’ सदनमा छलफलका लागि पेस गरे । पेस भएका विधेयकमाथि छलफल सुरु भएको छ । छलफलमा सांसदहरु प्रकाश ज्वाला, राजेन्द्रबहादुर केसी, ज्ञानेन्द्रबहादुर कार्की लगवायतले विधेयक सदनमा ल्याएका सरकारलाई धन्यवाद थिए ।

कांग्रेसका सांसद अर्जुनरसिंह केसीले सम्पत्ति शुद्धिकरण निवारण विधेयकको नामप्रति प्रश्न उठाए । उनले निवरणको सट्टा निर्मलीकरण राख्न सुझाव दिए । निवारण शब्दले शुद्धिकरण गर्ने कार्यलाई नै रोक्ने अर्थ लाग्ने भन्दै यस्तो सुझाव दिएका हुन् । त्यसमा कानूनमन्त्री प्रधानले आफ्नो ध्यान गएको बताए ।