प्रदेश मन्त्रीमा अवसर नपाएका परियार बने प्रमुख सचेतक, समानुपातिककी मिलन सचेतक

११ फागुन, सुर्खेत । नेकपा (माओवादी केन्द्र)को कर्णाली प्रदेशले संसदीय दलको प्रमुख सचेतक र सचेतक पाएको छ । प्रमुख सचेतकमा रणसिङ परियार र सचेतकमा मिलन खड्का चयन भएका छन् ।

बुधबार राति बसेको माओवादी केन्द्रको संसदीय दलको बैठकले परियारलाई प्रमुख सचेतक र खड्कालाई सचेतकमा नियुक्त गरेको हो । हुम्ला प्रदेश सभा (क)बाट निर्वाचित सांसद परियारले यसअधि मन्त्रीमा दाबी गर्दै आएपनि मौका पाएका छैनन् ।

पार्टीले उनलाई प्रमुख सचेतकको भूमिका दिएको छ । सचेतकमा अवसर पाएकी रुकुम पश्चिमकी खड्का समानुपातिक सांसद हुन् ।