भक्तपुर समथलीका गाइपालन फार्म सञ्चालक ४ दिनदेखि वेपत्ता

११ फागुन, काठमाडौं । भक्तपुरस्थित चागुनारायण नगरपालिका १ समथलीस्थित गाइपालन फार्म सञ्चालक ४ दिनदेखि वेपत्ता भएका छन् । कुबिर बहादुर बस्नेत नामका ती फार्म सञ्चालक ४ दिन ‘६ फागुन’ देखि हराएको उनका भाइ माधब बस्नेतले जानकारी दिए ।

रामेछाप जिल्ला उमाकुण्ड गाउपालिका २,रोशी स्थायी घर भएका उनी गत शनिवार ‘फागुन ६’ विहान समथलीकै १५ मिनेटको दूरीमा रहेको आफ्नो सालो ‘रमेश खड्का’ को गाइगोठमा जान्छु भनेर हिडेका थिए ।

तर, बेलुकासम्म पनि घर नफर्केपछि खोजी गर्दा सालोको गाइगोठमा नै नपुगेको जानकारी भयो । त्यसपछि परिवार र आफन्तले खोजी कार्य जारी राखेका छन् । तर, अझै नभेटिएको रमेश खड्काले जानकारी दिए ।

‘स्थानीय प्रहरीलाई खबर गरे पनि अझै अवस्था पत्ता लगाउन सकिएन’ उनले भने । आफन्तहरुले दैनिकजसो उनी जानसक्ने सम्भावित ठाउँहरुमा खोजी काम गरिरहे पनि भेटिएका छैनन् । उनलाई देख्नेले सम्पर्क नम्बर ९८६०३३९९५२, ९८६१८८८१०९ वा ९८४१८९३३४६ मा कम्पर्क गरिदिन वा स्थानीय प्रहरीलाई खबर गरिदिन परिवारले आग्रह गरेको छ ।