काठमाडाैं उपत्यकामा प्रतिघण्टा ५० किलोमिटरभन्दा बढीको स्पीडमा सवारीसाधन चलाउन रोक

११ फागुन, काठमाडौं । काठमाडौं उपत्यकामा प्रतिघन्टा ५० किलोमिटरभन्दा बढीको स्पीडमा गाडी गुडाउन रोक लगाएको छ । सवारी तथा यातायात व्यवस्था ऐन २०४९ र नियमावली २०५४ मा उल्लेखित गति नियन्त्रणसम्बन्धी व्यवस्थाबमोजिम सवारी दुर्घटना न्यूनीकरण तथा रोकथामका लागि कलंकी(कोटेश्‍वर सडक खण्डको फास्ट ट्रयाकमा ५० किलोमिटर र सर्भिस ट्रयाकमा २० किलोमिटर गति तोकिएको उपत्यका ट्राफिक प्रहरी कार्यालयले जनाएको छ ।

कोटेश्‍वर(भक्तपुर सडक खण्डमा पनि प्रति घन्टा ५० किलोमिटर गति तोकिएको जनाएको छ । उपत्यकाको विभिन्न स्थानमा आवश्यकता अनुसार गति सिमा तोकी सोही स्थानमा गति सीमासम्बन्धी बोर्डहरू राखिएको ट्राफिक प्रहरीले जानकारी दिएका छन् ।

सडकको भौतिक अवस्था समेतलाई ध्यानमा राखेर यस्तो निर्णय लिएको जनाइएको छ । तोकिएको गतिभन्दा बढीमा सवारी चलाउनेलाई नियमबमोजिम कारबाही गरिने ट्राफिक प्रहरी कार्यालयले जनाएको छ ।