राष्ट्रपति निर्वाचनकाे अन्तिम मतदाता नामावली प्रकाशन गर्दै आयोग

१२ फागुन, काठमाडौं । निर्वाचन आयोगले राष्ट्रपति निर्वाचनका आज अन्तिम मतदाता नामावली प्रकाशन गर्ने भएको छ । मतदाता नामावलीमा समावेश नाममा परेको दाबी विरोधी उजुरीमाथि छानबिनपछि आज अन्तिम नामावली प्रकाशन गर्ने आयोगले जनाएको छ ।

भोलि शनिबार राष्ट्रपति पदका लागि उम्मेदवारी दर्ता गर्ने आयोगको कार्य तालिका रहेको छ । नयाँ राष्ट्रपति चयनका लागि यही फागुन २५ गते मतदान हुँदैछ । उपराष्ट्रपतिको निर्वाचन भने आगामी चैत ४ गते हुनेछ ।

राष्ट्रपति र उपराष्ट्रपति निर्वाचनका लागि नयाँबानेश्वरस्थित संसद भवनमा निर्वाचन अधिकृतकाे कार्यालय स्थापना गरिसकेकाे छ ।