आलंकारिक राष्ट्रपतिलाई कार्यकारी बनाउन खोज्नु दुःखद् : सांसद शर्मा

१२ फागुन, काठमाडौं । नेकपा (माओवादी केन्द्र)का उपमहासचिव समेत रहेका सांसद जनार्दन शर्माले राजनीतिक दलहरुले आलंकारिक राष्ट्रपतिलाई कार्यकारीजस्तो गरेर महत्व दिनु संविधानको मर्मविपरीत भएको बताएका छन् ।

शुक्रबार प्रतिनिधिसभाको बैठकमा विशेष समयमा बोल्दै सांसद शर्माले राष्ट्रपतिको चुनावलाई राष्ट्रियता एकता र साझा अभिभावकत्वको रुपमा लैजानुपर्ने बताए ।

अर्को प्रसंगमा उनले बाँझो जमिनलाई प्रयोगमा ल्याउने नीति अवलम्बन गरेको अवस्थामा देशभित्र थुप्रै जमिन बाँझो बन्दै गएको भन्दै नीति कार्यान्वय गराएर उत्पादनमा ल्याउन आग्रह गरे ।

लघुवित्तले किसान र सर्वसाधारणलाई चर्को ब्याजमार्फत ज्यान फाल्न तहसम्म पुर्याइरहेको भन्दै लघुवित्तका ऋणीका लागि राहतको कार्यक्रम ल्याउन सरकारसँग माग गरे ।