पुल बनाउँदा साढे ५ करोड भ्रष्टाचार गरेको आरोपमा सचिव महरठ्ठासहित ३ जनालाई मुद्दा

१४ फागुन, काठमाडौं । गोरखा नगरपालिका–३ मा बाटो नभएको ठाउँमा पुल बनाएर राज्यकाे सम्पत्ति दुरूपयाेग गरेर भ्रष्टाचार गरेको आरोपमा गण्डकी प्रदेशको भौतिक पूर्वाधार मन्त्रालयका तत्कालिन सचिव ईश्वरचन्द्र महरहट्टासहित ३ जनाविरुद्ध भ्रष्टाचार मुद्दा दायर गरेको छ । उनीहरुले उक्त पुल बनाउँदा ५ करोड ४५ लाख ५२ हजार रुपैयाँ भ्रष्टाचार गरेको अख्तियारले आरोप छ ।

मरहठ्ठासहित प्रदेशको भौतिक पूर्वाधार मन्त्रालय अन्तर्गतको प्रदेश सडक निर्देशनालयका तत्कालीन निमित्त निर्देशक रामकुमार श्रेष्ठ र पूर्वाधार विकास कार्यालय गोरखाका सिनियर डिभिजनल इन्जिनियर ओमराज ढुङ्गानाविरुद्ध पनि अख्तियारले भ्रष्टाचार मुद्दा दायर गरेको छ ।

गोरखा नगरपालिकाको जरेबरमा नारेश्वर जोड्ने गरी बनेको पक्की पुल दुबैतर्फ सडक नभएको ठाउँमा छ । पुलको एकापट्टि खेत र अर्कोपट्टि जंगल छ । बिचबाट बग्ने खोलामाथि उनीहरुले पुल बनाउन बजेट खर्च गरे ।

सडक नै  नभएको ठाउँमा पुल बनाएर नागरिकले तिरेको करको दुरुपयोग गरेको भन्दै अख्तियारमा उजुरीमाथि छानबिनपछि तयार पारिएको प्रतिवेदनका आधारमा बिगो भराउन र कैद सजायको माग दाबीसहित विशेष अदालतमा मुद्दा दायर गरिएको हो ।

राज्यको सम्पत्तिलाई औचित्य नभएको स्थानमा खर्च गर्न आफ्नो ओहदाको दुरुपयोग गरेको कार्य भ्रष्टाचार भएको प्रतिवेदनको निष्कर्ष छ ।