प्रतिनिधिसभाबाट सांसद रहमान निधनको शोक प्रस्ताव पारित, अर्को बैठक १७ गते बस्ने

१५ फागुन, काठमाडौं । प्रतिनिधिसभाको आज बसेको बैठकले जसपाबाट समानुपातिक निर्वाचित प्रतिनिधिसभा सदस्य शहनाज रहमानको निधनमा शोक प्रस्ताव पारित गरेको छ । रहमानको निधन भएकोप्रति शोक प्रस्ताव पारित गर्दै उनीप्रति श्रद्धाञ्जली व्यक्त गरेर बैठक बुधबार दिउँसो १ बजे बस्ने गरी स्थगित भएको छ ।

प्रतिनिधिसभा सदस्यमा निर्वाचित ६३ वर्षकी रहमानको शनिबार हृदयघातका कारण भक्तपुरमा निधन भएको थियो । जसपाकी केन्द्रिय सदस्यसमेत रहेकी झापाकी स्थायी बासिन्दा रहमान मुस्लिम समुदायको प्रतिनिधित्व गर्दै संघीय सांसद निर्वाचित भएकी थिइन् ।