प्रधानमन्त्री प्रचण्डले खेले च्यासल रंगशालामा फुटबल

१६, फागुन, काठमाडौं । प्रधानमन्त्री पुष्पकमल दाहाल ‘प्रचण्ड’ले ललितपुरमा फुटबल खलेका छन् । आज च्यासल रंगशालाको उद्घाटन गर्न पुगेका प्रधानमन्त्री प्रचण्डले मैदानमै उत्रिएर फुटबल खेलेका छन् ।

उद्घाटनसत्रमा खेलकुद क्षेत्रले समाजलाई अनुशासित र मर्यादित बनाउँदै संस्कृति स्थापित गर्न खेल क्षेत्रले महत्त्वपूर्ण भूमिका रहने मन्तव्य राखेका उनले राजनीतिक, कूटनीतिक र भाइचारा सम्बन्धको विकासमा फुटबल सहयोगीसिद्ध हुने बताए ।

उनले खेलुकुदलाई पालिका, प्रदेश स्तरमै विकास गर्ने गरी आगामी बजेटमा व्यापक वृद्धि गर्ने आश्वसन दिए । खेलकुद र कलाकारितामा आफ्नाे गहिराे रूची भएकाे कुरा सुनाए ।

फुटबल र कलाकारिताले आफूलाई सधैं ध्यान तानिरहने बताउँदै दुवै क्षेत्रलाई माया गर्ने बताए । र, उनले कलाकार र एन्फाबीच भएको खेललाई मैदानमा उत्रिएर फुटबल हानेर सुरुवात गरे ।